Dokumentu hau une estrategiko batean kokatuta dago euskal udal-ekintza GJHen ikuspegitik garatzeko: 2023-2027agintaldiberria.
EUDELek eta Eusko Jaurlaritzak udalei laguntzen diete, Euskadiko 2030 Agenda elkarrekin eta koordinatuta aplikatzeko tresna praktikoekin, beste erakunde batzuekin lankidetzan, eta, batez ere, tokiko lidergoan, gure udalerrien garapen jasangarriagoa eta inklusiboagoa lortzeko.
Zeregin hori errazteko, gida honetan eredu proposamen bat eta laguntza-tresnak garatuko dira, udal-autonomia errespetatzen duen testu inguru batean eginak.
Udalerrientzat neurrira egindako tresnak dira helburu bakar honekin: Tokiko Gobernu bakoitzak gai horretan konprometitzeko eta lan egiteko modua erabakitzea. Ez da ahaztu beharko mundu-mailako joera GJHen alde lan egitea dela eta Euskadiko 2030 Agendak bultzatzen duen elkarlanak udal-ahalegin txiki bakoitza jaso nahi dituela, planetaren erronka handiei Euskadik egiten dien ekarpen globalago baten zati gisa ikus dadin.