“BRIDGES OF TRUST” / KONFIANTZAZKO ZUBIAK: EUSKADIKO ETA UKRAINAKO UDALERRIEN ARTEKO LANKIDETZA, BERRERAIKITZE-LANETAN LAGUNTZEKO
Bilbao, Donostia eta Vitoria-Gasteiz batera egindako bi aldeko proiektuak babestu auten, Novomoskovsk, Kremenchuk eta Nikopolekin, hurrenez hurren.
EAEko hiriek aholkuak ematen dizkiete Ukrainakoei, herritarrentzat funtsezkoak diren zerbitzuak berreraikitzeko eta berreskuratzeko proiektuetan, hala nola ur-hornidura eta -saneamenduan, eta hango hiri- eta ekonomia-garapenean.
“City to city” lankidetza gauzatu da Ukainako tokiko agintariek Euskadira egundako aztertzeko bisitan, ekainaren 19tik 23ra, EUDELek eta Ukrainako Hirien Elkarteak (AUC) antolatuta.
“BRIDGES OF TRUST” PROIEKTUAREN OHARRA
AZTERLAN-BISITAREN OHARRA (Ekainak 19-23)
EUDEL da CEMRko (Europako Udalerrien eta Eskualdeen Kontseiluak) Konfiantzazko Zubiak (Bridges of Trust) ekimenean parte hartzeko hautatutako tokiko gobernuen hamar elkarteetako bat. Ekimen horren bidez, laguntza emango da gerran kalte larriak izan dituzten Ukrainako 30 udalerri berreraikitzeko.
Europako Batzordeak bermatuta, nazioarteko lankidetzako esperientzia honek ikuspegi berritzailea du, eta, CEMRz gain, Ukrainako Hirien Elkartearen (AUC) eta Europako U-Lead programaren (Ukraina – Tokiko Ahalduntzea, Fiskalitatea eta Garapena) laguntza du.
EAEko udalek ekimen horretan parte hartzeko baldintzak 2023ko martxoan EUDELeko elkarteburuak eta CEMRko zuzendari nagusiak sinatutako Ulermen Memorandumean ezarrita daude.
Berreraikitzeko lanekin batera, KONFIANTZAZKO ZUBIAK ekimenak Ukrainako tokiko gobernuen gaitasunak indartu nahi ditu, nazioarteko lankidetzarako eta Europaren integraziorako, laguntzeko esperientziak eta historiak partekatuz, tokiko ekintzaren bidez.
Hirien arteko partekatzea “matching”
2023ko otsailaren 15ean, Konfiantzazko Zubiak ekimenak ibilbideari ekin zion, Bruselan ekitaldi hibrido bat eginez. 2023ko irailera arte, EBko tokiko eta eskualdeetako agintarien 10 elkartek 30 udal-lankidetza bideratuko dituzte Ukraina berreraikitzeko.
Euskadiko Udalen Elkartearen kasuan, CEMRk trukea bultzatu du bere homologoarekin (AUC), Euskadi-Ukraina arteko hiru lankidetza bultzatzeko:
- Bilbo – Novomoskovsk (Dnipro eskualdean).
- Donostia – Kremenchuk (Poltava eskualdean).
- Vitoria-Gasteiz – Nikopol (Dnipro eskualdean).
Lortu nahi diren emaitzak:
- Euskadiko tokiko gobernu-sistema ezagutzea, maila anitzeko lankidetza jorratzea eta jardunbiderik egokienak Ukrainan aplikatzeko aukera ematea;
- Ukrainako tokiko gobernuko funtzionarioek kontzientzia eta gaitasun handiagoa izatea udalerrien arteko lankidetzarako.
- Proiektuak planifikatzeko eta garatzeko trebetasunak eta ezagutzak hobetzea, Ukrainako udalerrietarako berreraikitze-proiektuetan ardaztuta.
- Ukrainako eta Euskadiko tokiko gobernuen arteko harremanak eta elkarteak sendotzea, esperientzia partekatuetan eta ikasitako irakasgaietan oinarrituta;
- Ideia eta plan zehatzak garatzea Ukrainako eta (herrialdearen izena) udalerrien artean, batera berreraikitzeko proiektuetarako, eta aukera ematea etorkizunean proiektuak aurkezteko autonomia-erkidegoko, estatuko eta Europako finantziaziorako.
Aztertzeko bisitak eta tokiko ordezkarien arteko bilerak
Programaren mugarri gisa, aukera emango da Ukrainako hiru udalerriek EAEko hiru hiriburuetara aztertzeko bisita bat egin dezaten, esperientzia arrakastatsuak eta jardunbide egokiak ezagutzeko, Ukraina berreraikitzeko lanetan aplikatzeko modukoak badira.
Bisita hori, ekainaren 19ti 23ra egin zena, aukera eman zuen tokiko ordezkarien arteko aurrez aurreko bilerak egiteko, eta Euskadiren eta Ukrainaren arteko elkartasun- eta laguntza-harremanak estutzeko.
Apirilean hainbat bilera telematiko egin ziren gaiak eta esparruak zehazteko, hirien arteko lankidetza-proiektuak elkarrekin diseinatzeko.
Lankidetza-eremuak
Lankidetza bakoitzak elkarlanerako gai bat landuko du:
Bilbo – Novomoskovsk lankidetzak uren hornidura eta saneamenduaren inguruan jardun zuen, Bilbao Bizkaia Ur Partzuergoaren esperientzian oinarrituta.
Donostia – Kremenchuk lankidetzan, elkarlanean aritu ziren, hiria berreraikitzera eta modernizatzera bideratutako Europako funtsak lortzeko eta kudeatzeko beharrezkoak diren gaitasunak, tresnak eta prozesuak garatzen, eta hiria eraldatzeko proiektuak diseinatzen eta kudeatzen.
Gasteiz – Nikopol lankidetza iraunkortasunaren esparrura bideratu zen, besteak beste, energia-eraginkortasuna, hiri-azpiegitura berdea eta hondakinen kudeaketan, bai eta garapen iraunkorraren arloko udal-plangintzan ere.
INFORMAZIO GEHIAGO: Konfiantzazko zubiak programari buruzko informazioa