Cookie erabilera: Webgune honetan cookie propioak eta hirugarrenenak erabiltzen ditugu estadistika datuak batzeko eta zure nabigazioa hobea izan dadin. Nabigatzen jarraitzen baduzu, instalatzea eta guk horiek erabiltzea onartuko duzu. Konfigurazioa aldatu edo argibide gehiago eskuratu dezakezu, Cookie politikan. | Itxi
Esp | Eus

Tokiko Direktorioa


Udalerriari buruzko informazioa

Herrialdeen estatistika informazioa Eustat.

Gipuzkoa


Ordizia

Ordizia herri gipuzkoarra
Datu orokorrak
  • Izen ofiziala: Ordizia
  • Biztanleria: 9.846
  • Azalera: 5,7 Km²
  • Web: http://www.ordizia.org
  • Tursimo bulegoa:
    Oficina de turismo
    Casa Barrenetxe
    C/ Santa María, 24
    20240 Ordizia
    Tel: 943 882 290
    Fax: 943 161 326
    turismo@ordizia.org

Asteroko merkatuak ezagun egin du Gipuzkoako barnealdeko herri hau. Oria ibaiaren ertzean kokatuta, Txindoki (1.346 m) mendiaren silueta berezia du atzean. Beasainekin batera, Goierriko udalerririk garrantzitsuena dugu eta N-1 Gipuzkoa, Araba eta Nafarroa lotzen dituen errepidearen ondoan dago.

Erakargarri bihurtzen duten ezaugarri asko ditu herri honek. Batetik, bisitatzea merezi duen alde zaharra du. Monumentu multzo izendatu zuten eta bertan, eraikin dotoreak aurki ditzakegu: Jasokundeko Andre Mariaren eliza, Zabala eta Barrena jauregiak, Muxika dorretxea eta Urdanetako Fray Andres zenaren monumentua, besteak beste.

Bestalde, erdigunetik kanpo, Oiangurengo udal parkea topatuko dugu inguruetan. Zuhaiztiz inguratutako berdegunea da eta handik, paisaia ederraz gozatzeko aukera izango du bisitariak.

Inolako zalantzarik gabe, bertako produktuen merkatuagatik egin da ezagun Ordizia. XI. eta XII. mendeetan egiten hasi ziren eta egun, asteazkenero, erosle eta saltzaile asko batzen dira Plaza Nagusian. Merkatu hau garrantzitsua da oso, produktuei berton jartzen dizkieten prezioak erreferentzia moduan erabiltzen dituztelako Euskadiko gainerako merkatuetan.

Horrez gain, badira urtean zehar merkatu bereziak ere, Idiazabal gaztarena udaberrian eta Gabonetakoa, esate baterako. Azoka egutegian, bada beste egun garrantzitsu bat ere. Irailean, Euskal Jaietako azoka berezia antolatzen dute eta egun horretan bertan, ardi latxaren esnearekin egindako gaztaren lehiaketa ezaguna egiten dute.

Azokak alde batera utzita, Ordiziak uztailean ospatzen ditu jai nagusiak Santa Ana zaindariaren omenez. Ekitaldi askoren artean, 1509ko ohitura bat nabarmenduko dugu; "Santaneroen dantza", ezkonberriek dantzatzen duten Esku-dantza, hain zuzen ere.

Ba al dakizu... ?

Asteazkenero merkatua egiten da Ordizian. Oso ezaguna da eta inguruko udalerrietako jende asko gerturatzen da bertara.

Esteka interesgarriak