Cookie erabilera: Webgune honetan cookie propioak eta hirugarrenenak erabiltzen ditugu estadistika datuak batzeko eta zure nabigazioa hobea izan dadin. Nabigatzen jarraitzen baduzu, instalatzea eta guk horiek erabiltzea onartuko duzu. Konfigurazioa aldatu edo argibide gehiago eskuratu dezakezu, Cookie politikan. | Itxi
Esp | Eus

Tokiko Direktorioa


Udalerriari buruzko informazioa

Herrialdeen estatistika informazioa Eustat.

Bizkaia


Etxebarria

Etxebarria herri bizkaitarra
Datu orokorrak
  • Izen ofiziala: Etxebarria
  • Biztanleria: 787
  • Azalera: 18,1 Km²
  • Web: http://www.etxebarria.biz
  • Tursimo bulegoa:
    Mancomunidad de
    Lea-Artibai
    Avenida Xemein, 13
    48270 Markina-Xemein
    Teléfono: 946169068
    Fax: 946 169 278

Mendiek eta haran estuek marrazten dute Etxebarriko paisaia. Bizkaia lurralde historikoaren ekialdeko muturrean dago udalerri txiki hau, Lea-Artibai eskualdean, hain zuzen.

Historian zehar, San Migel gainetik Gipuzkoara joateko igarobide garrantzitsua izan da Etxebarria. Joan-etorri horien lekuko ditugu bai hirigunean, bai herriaren inguruetan dauden eraikin eta monumentuak. Hala, bisitariak ibilbide interesgarria egiteko parada du. Lehenik eta behin, San Andres Apostoluaren eliza bisita dezake. XIV. mendeko tenpluak erretaula barroko ederra du. Elizatik oso gertu, Patrokua jauregi barrokoan, azpimarratzekoa da barroetarren armarri ederra.

Halaber, merezi du Ansotegiko jauregia, errota eta burdinola (XVII-XVIII) ikustea. Bestalde, Ibarguen garaia ere nabarmentzekoa da. XVI. mendeko aletegia egurrezkoa da eta harrizko oinarria du. Mendeetan zehar, ongi gorde dute eta hortaz, altxor etnografikoa dugu.

Etxebarriko paisaia guztiz aproposa da txango atseginak egiteko. Mendia gustuko dutenek esaterako, Kalamua (768 m) mendira igotzeko aukera paregabea dute. Tontorretik, gainera, Bizkaiko eta Gipuzkoako bista zoragarriak daude.

Ibilbide lasaiagoak egiteko aukera ere badago. Munibe jauregitik, Urko ibaiari jarraitzen dion bi kilometroko ibilaldia egin daiteke eta bertan, errotak, burdinolak eta jauretxeak topatuko ditu ibiltariak.

Ba al dakizu... ?

Etxebarriako Kalamua menditik Bizkaiko eta Gipuzkoako paraje ederrez gozatzeko aukera dago.

Esteka interesgarriak