Cookie erabilera: Webgune honetan cookie propioak eta hirugarrenenak erabiltzen ditugu estadistika datuak batzeko eta zure nabigazioa hobea izan dadin. Nabigatzen jarraitzen baduzu, instalatzea eta guk horiek erabiltzea onartuko duzu. Konfigurazioa aldatu edo argibide gehiago eskuratu dezakezu, Cookie politikan. | Itxi
Esp | Eus

Tokiko Direktorioa


Udalerriari buruzko informazioa

Herrialdeen estatistika informazioa Eustat.

Bizkaia


Ermua

Ermua herri bizkaitarra
Datu orokorrak

Durangaldea eskualdean dago Ermua, Bizkaiko lurraldearen ekialdeko muturrean, Eibar Gipuzkoako udalerriarekin muga egiten. Urko eta Ureta mendien babesean, inguruko paisaia oso malkartsua da, eta hango bailara ederrak, aldapa handiko mendien tartean kokatuta, edonor txunditzeko modukoak dira. Gailurrek gainera, altura gutxi izan arren, tamaina handikoak dirudite, hirigunetik hurbil daudelako.

Erdigunean bertan, azpimarratzeko modukoak dira hainbat eraikin, Santiago Apostol eliza eta Valdespina jauregia, besteak beste. Santiago eliza errenazimendu garaiko tenplu ederra da. Nabe bakarrekoa, alboetan kaperak ditu. Kanpandorrearen ondoan, Valdespina jauregi barrokoaren kupula bikaina ikus daiteke parez pare. Egun, jauregia Ermuko udaletxearen egoitza da.

Halaber, Lobiano jauregia ere nabarmentzekoa da. XVI. mendean eraiki zuten eta, ez bairik gabe, Bizkaian, errenazimendu garaiak utzitako altxorretako bat da. Egun, eraikina zaharberritzen ari dira kultur etxe bezala erabiltzeko.

Inauteriak, euskal jaiak, herriko bost talde erregionalen aste kulturalak, San Martin azoka... Urtean zehar, hainbat ekitaldi antolatzen dituzte Ermuan. Jai nagusiak, Santiago festak, uztailaren 24tik 27ra bitartean izaten dira. Festok entzute handia dute inguru hartan eta egunotan, egitarau oparoa prestatzen dute bertakoek, bai txikientzat, bai nagusientzat ere.

Ba al dakizu... ?

Garai batean etxebizitza dotorea zen Valdespina jauregia udaletxe bihurtu da gaur egun.

Esteka interesgarriak