Cookie erabilera: Webgune honetan cookie propioak eta hirugarrenenak erabiltzen ditugu estadistika datuak batzeko eta zure nabigazioa hobea izan dadin. Nabigatzen jarraitzen baduzu, instalatzea eta guk horiek erabiltzea onartuko duzu. Konfigurazioa aldatu edo argibide gehiago eskuratu dezakezu, Cookie politikan. | Itxi
Esp | Eus

Tokiko Direktorioa


Udalerriari buruzko informazioa

Herrialdeen estatistika informazioa Eustat.

Bizkaia


Elorrio

Elorrio herri bizkaitarra
Datu orokorrak
  • Izen ofiziala: Elorrio
  • Biztanleria: 7.271
  • Azalera: 37,4 Km²
  • Web: http://www.elorrio.net
  • Tursimo bulegoa:
    Consorcio de Turismo Rural
    Urkiola-Durangaldea
    Niceto Urkizu, 11
    48230 Elorrio
    Teléfono: 946 820 164
    Fax: 946 820 626
    infoturismo@
    durangaldea.com

Bizkaiko ekialdeko muturrean dago Elorrio, Durangaldea eskualdearen barruan, eta Gipuzkoa zein Araba lurralde historikoekin muga egiten. Hiriguneak eta beste 13 auzok osatzen dute udalerria eta Zumelegi ibaia igarotzen da bertatik.

Erdi Aroko ondare paregabea dauka udalerri honek, Bizkaiko ederrenetakoa. 1964an, Monumentu Multzo izendapena jaso zuen. Atsegina da zinez hiriguneko kaleetan barrena galtzea. XVII. eta XVIII. mendeetako jauregi eta oinetxe ederrak ikusiko ditugu, harrizkoak zein harlanduzkoak.

Alde zaharraren erdigunean, Gernikako Arbola plazan, Udaletxea eta Andre Maria Sortzez Garbiaren eliza daude. Handik oso gertu, Arezpakotxaga jauregiaren ondoan, Don Tello kaleko atea azpimarratzeko modukoa da. Antzinako harresiak zituen sei ateetatik zutik dirauen bakarra da hori.

Zelai berdez eta mendiz inguratutako haranean dago Elorrio, Oiz eta Intxorta mendien artean, eta Anboto zein Udalaitz tontorrak alboan dituela. Hirigunetik kanpo, paisaia zoragarriaz gozatzeko aukera ederra izango du bisitariak. Hala, Argiñetako nekropolia, hareharriz egindako hilobi multzo ikusgarria, nabarmenduko dugu. San Adrian baselizaren parean dago eta Euskal Herriko hilobi-monumentu garrantzitsuenetakoa da. Santa Katalina ermitaren inguruetan berriz, Berriozabaleta iturria ageri da baserrien artean ezkutatuta. Benetan bitxia da monumentu hori, jatorri inka duen iturri baten erreplika baita.

Bestalde, Elorrioko jai nagusiak, Ferixa Nausikoak, irailaren hasieran ospatzen dituzte. Gainera, urriko lehen igandean, Errebonbillo egunean, tradizio handiko alardea egiten dute herrian.

Ba al dakizu... ?

1964an, Monumentu Multzo izendapena jaso zuen Elorrioko Alde Zaharrak.

Esteka interesgarriak