Cookie erabilera: Webgune honetan cookie propioak eta hirugarrenenak erabiltzen ditugu estadistika datuak batzeko eta zure nabigazioa hobea izan dadin. Nabigatzen jarraitzen baduzu, instalatzea eta guk horiek erabiltzea onartuko duzu. Konfigurazioa aldatu edo argibide gehiago eskuratu dezakezu, Cookie politikan. | Itxi
Esp | Eus

Tokiko Direktorioa


Udalerriari buruzko informazioa

Herrialdeen estatistika informazioa Eustat.

Bizkaia


Ea

Ea herri bizkaitarra
Datu orokorrak

Bizkaia lurralde historikoaren kostaldean dago Ea udalerria. Natxitua, Bedarona eta Ea hiru herriek osatzen duten udalerria; hirurek, bakoitzak bere berezitasun eta ezaugarriak mantenduz, osatzen dute Eako paisaia anitza; itsasoa, nekazaritza, kostaldea eta mendiak barneratzen dituen ingurunea, alegia.

Udalerriko hiru guneek erakargarritasun turistiko eta kultural ugari dituzte. Natxituara zein Bedaronara iristearekin batera, hango itsasoko paisaia ederrak hartuko gaitu, eta baita inguruetako kala atseginek ere. Gainera, Natxituako Kontsolazinoko Andra Mari eta Bedaronako San Bartolome baseliza ere ikusgarriak.

Ea udalerrian bertan barneratuz, haren edertasuna agertuko zaigu segituan, izan ere, hondartza txiki eta polita dauka herriak, eta hirigunetik paseatzeko aukera izanez gero, estilo erromanikoko zubi biak ere ikusiko ditugu; gainera, Eako ondare historikoari dagokionez, Joan Bateatzaile Santuaren eliza errenazentista eta Jesusen Andre Mari eliza barrokoa azpimarra genitzake.

Udalerriak eskaintzen dituen bazter miresgarriak hobeto ezagutzeko, ibilaldi zein paseo atseginak egin ditzakegu Ea herrian eta honen inguruetan zehar.

Herriko jai nagusiak San Joan festak dira, ekainaren bigarren hamabostaldian ospatzen direnak, alegia.

Ba al dakizu... ?

Udalerriko hiru guneek erakargarritasun turistiko eta kultural ugari dituzte.

Esteka interesgarriak